قالكم كاين واحد عندو الغنم بزاف بزاف بصح ما يصليش واحد المره جاه الامام
تاع المنطقة نتاعو وقالوا انت لوكان تزيد تصلي الغنم نتاعك يوليو الضعف
مالا هذاك السيد داه الطمع و عاد يصلي باه يزيد العدد نتاع الغنم وكل مرة يصلي يموتلوا
4ولا5والسيد صابر يقول ضرك يزيدو ضرك يزيدو حتى بقى ليه كبش واحد
فات عليه والكبش يقول بع بع بع بع بع بع بع ما حبش يسكت
دار عندو السيد وقالوا :بلع علي فمك تزيد تهدر نصلي عليك 2 ركعات نجيبك ميت
*****************
قالك واحد جزائري لقى وحدة مصرية قالها واش مدايرا في حياتك
قالتلوا :انا بقرا في الكلية (باللهجة المصرية)
قالها :انا ثور في السوناطراك
*****************مرة واحد يقلق مية في الساعة, دّا قماش عند الخياط وقالوا: اسمع حاب ندير قندورة تكون مليحة يعني يكون الكول مصاوب وصغير والدرعين مايكونو طوال مايكونو قصار ومن تحت توصل حتى للكعب وعندك ادّيرلي جيب مانسحقّش, ولكتاف مايكونوش عراض بزاف, وصاوبها تحت الطوابق, وأهم حاجة عندك ادّيرها محصورة انا ما نلبسش حاجة محصورة ولوكان درتها محصورة والله مانسلكك...هات لقماش هنا مانزيدش نجي عندك خلاص.
*****************
قالو: يا عومار والله الدخلة اليوم باطل
(مجانا) قالو: آو واين؟, قالو: في الحيط
*****************
مرة واحد حلق الموسطاش نتاعو....كي تلاقى بصحابو قالهم : تصدقوني...والله ما عرفتكم
*********************
في مرة شخص سال معلم...
الرجل:اذا كان البرد واش الدير؟:
المعلم :نقعد قدام الفورنو:
الرجل:واذا كان البرد تاع الصح واش الدير
المعلم:نلصق في الفورنو
الرجل :اذا صب الثلج....المعلم:نحضن الفورنو
الرجل:اذا كان البرد وكأنك في سيبيريا واش الدير؟؟؟؟؟؟؟
المعلم :في هاذي نشعل الفورنو